إداره المعهد غير صالحه

أنا طالب بالمعهد الفنى التجارى الفرقه الثانيه
أعمل مهدندس صيانه حاسب ألى سوفت وهارد
بقالى أربع سنين فى المعهد الفنى التجارى
فى السنه الأولى حصلت بينى وبين دكتور زكريا مشاده كلاميه أدت إلى سقوطى فى السنه الأولى ليا فى المعهد حيث أنه قال لى إبقى قابلنى لو نجحت السنه دى وفعلا صدق فى كلامه ومنجحتش وطلعت بثلاث مواد
المهم السنه اللى بعدها عديت الحمد لله
السنه اللى بعدها طلعت بثلاث مواد برضه ودا نتيجه لأنى أنا مش بروح المعهد ولا كنت مديله أى إهتمام ودا بسبب ضغط الشغل
السنه الرابعه دخلت الإمتحان فى ماده محاسبه الشركات قام الأستاذ الفاضل أ/ حسام معيد فى ماده اللغه
قام الأستاذ مع إنه مكنش فى لجنه المراقبه بدخوله المدرج أثناء الإمتحان وقام بقطع ورقه الإجابه الخاصه بى وعند لجوئى للمحقق والعميد قالولى اللى هنعرف نعملهولك إن إحنا نجبلك ورقه إجابه ثانيه وتكتب عليها بياناتك وتسلمها

فقلت إزاى منا كدا هشيل الماده قالولى خلاص هنعملك محضر ونقوم بفصلك سنتين من المعهد
وبالفعل جابولى الورقه وكتبت عليها بياناتى وسلمتها وشلت الماده
أنا محتار أعمل إيه للأساتذه الكرام علشان نعرف نأخذ جزء بسيط من حقنا
نعمل إيه لما تيجى توجه شكوى للعميد تلاقيها بدون جدوى
حتى لو دخلت شئون الطلبه يتريقا علينا وكأننا أطفال فى الإبتدائى من شباب فى المعهد وعندا فوق العشرين سنه
أنا خاص مش عاوز أدور فى اللى فات بس
أنا خلاص خايف من لأعيد السنه دى تانى
خصوصا كل إما أشترى كتاب يقولولى لسه منزلش
والمذكرات منزلتش
والدكاتره الأفاضل بيقولولى تعالا الدرس
طيب واللى معندهوش وقت للدرس مش يلاقى لا كتاب ولا مذكره ولا أى حاجه عن الماده طيب نعمل إيه
هندخل الإمتحان مش عارفين حاجه.