رسالة لطلاب وطالبات المعهد

انا برنس القاهرة مصمم ومدير الموقع انا من مصر
وطالب فى المعهد عندكم حبيت اعمل الموقع دا للاسباب دى
اولا . مينفعش المعهد بتاعنا ميكنش له موقع خاص بيه
ثانيا . انى مبحضرش حاجة فى المعهد وعلشان اعرف اى حاجة لازم انزل المعهد عندكم لكن من خلال الموقع دا هيكون فى تعارف بين الطلاب واستفادة للجميع بأذن الله .أرجو استخدام الموقع للاستفادة فقط ...
وليس لاى شى تانى ..
ثالثا . بأذن الله وبمساعدتكم ليا هيكون موقع قوى ومفيد بمعنى
1.كل ما يخص المعهد من اخبار جداول امتحانات والنتيجة هيكون موجود على الموقع
2.بالنسبة للطلبة المغتربين اللى زيى هيسهل عليهم شوية بالنسبة لاى حاجة مبيعرفوهاش مثلا امتحان عملى ومعرفش معادوا ..
3.تواصل بين الطلبة بسهولة من خلال الموقع بكل احترام للاستفادة
4.يارايت كل الطلبة تسجل عضويتها على الموقع
5.يارايت كل الناس تحافظ على الاداب العامة واى عضو هيعمل حاجة خارجة عن الادب يكتب كلام غير لائق او اى شى تانى هيتم طرده من غير مناقشة
مع تحياتى مدير الموقع
برنس القاهرة
للاقترحات والمناقشة دا ايميلى
abrahimovch199@yahoo.com

فكرة جامدة يا مان
وانا ان شاء الله معاك هنا يوميا

الموضوع شيق ولذيذ لاكن عندي تعليق صغير لا بد من مساعده الطلبة في المواد المراسية بمعني ان نضع ملخصات لطلاب المعهد وانا لو احتجت مساعدتي ان لن ارفض انا طالبة بالصف الاول في معهد المنصور
ولكم جزيل الشكر وفائق الاحترام

شكرا يا جماعة على الردود الحلوة وان شاء الله
هعمل كل جهدى علشان المنتدى دى يكون حاجة نفتخر بيها
اشكر النجم اسلام على متابعة الجميلة
وبالنسبة لطلب اسيرة الاحزان عن موضوع الملخصات هيكون موجود باذن الله بمساعدتكم
وشكرا
برنس القاهرة